paleolitico superior

O paleolitico superior

O Paleolítico superior ou Epipaleolítico (ata 8.000 a.C). O clima frío e húmido explica o habita nos abrigos penedosos, como o descuberto en Muras, (Vilalba Lugo). As pezas líticas atopadas, máis pequenas e talladas sobre silex, amosan unha capacidade técnica superior. Os restos de ocre, suxiren a posibilidade da existencia de pintura mural ou corporal, pero tampouco hai indicios de que estes abrigos naturais fosen empregados como hábitat estable. Dedicados aínda a caza e a recolección, supoñemos a existencia dunha sociedade de carácter igualitario e obrigado nomadismo. No mesolítico, período transitorio co neolítico, nas comarcas costeiras, a práctica intensiva do marisqueo, permitiría unha menor importancia da caza como medio de vida e unha maior especialización laboral.

Fontes:

1. -Bibliografia

• -Romero Masíá, A.; Galicia.CC.SS Xeografía e Historia, A Coruña, Baía edicións, 1997.

Publicado por Roberto en 22.10.08

Arte paleolitica en galiza

Os restos de arte paleolítica en Galiza son moi poucos debido á escaseza de covas neste territorio (non hai nada, só restos de ocres colorantes minerais) e a que a arte móbel se realizaba fundamentalmente sobre ósos e estes, debido á acidez da terra, non se conservan con facilidade.

Da arte móbel só se conservan un colgante e unha azagaia. O colgante atopouse na estación paleolítica de Férvedes II (Xermade) e atópase actualmente no Museo de Prehistoria e Arqueoloxía de Vilalba. O material é, posibelmente, esteatita, é plano e ten forma oval. Ten un orificio de forma circular, supostamente para o cordón do que penduraba, e como decoración un trazo recto e vertical no centro das dúas caras, máis fondo dunha delas. É semellante a outras pezas de xacementos magdalenienses do Cantábrico

A azagaia fíxose con óso, é lixeiramente aplanada e de perfil recto. Está decorada cunha incisión horizontal.

Fontes:

1. -Bibliografia

• -Galipedia; Galicia.CC.SS Xeografía e Historia.